Tema modersmål - assyriska

ܫܸܡܵܐ ܝܼܠܹܗ ܚܕܵܐ ܡܸܠܬܼܵܐ ܕܟܹܐ ܦܵܝܫܵܐ ܡܘܼܦـܠܸܚܬܵܐ ܠܡܲܕܲܥܬܵܐ ܕܐ݇ܢܵܫܹ̈ܐ ܘܡܸܢܕܝܵـܢܹ̈ܐ ܦܪ̈ܝܼܫܹܐ ܓܵܘ ܟܝܵـܢܵܐ ܘܫܸܡܵܐ ܟܹܐ ܗܵܘܹܐ ܦܫܝܼܛܵܐ ܐܵܘ ܡܪܲܟܒܼܵܐ ܘܠܲܝܬ ܠܹܗ ܙܲܒ݂ܢܵܐ ܐܲܝ݇ܟܿ: ܡܲܠܟܵܐ، ܒܪܵܬܵܐ، ܒܲܝܬܼܵܐ، ܟܹܐܦܵܐ، ܩܲܝܣܵܐ، ܒܹܝܬܼܟܪ̈ܝܼܗܹܐ، ܒܹܝܬܼܨܲܘܒܹ̈ܐ، ܦܵܪܚܵܬܼܠܲܝܠܹܐ ܘܫܲܪܟܵܐ.ܫܸܡܵܐ ܒܸܚܒܼܵܫܵܐ ܝ݇ܠܹܗ ܠܐܲܢܹܐ ܐܲܕܫܹ̈ܐ:

ܐ. ܫܸܡܵܐ ܓܵܘܵܢܵܝܵܐ ܗ̇ܘ ܫܸܡܵܐ ܝ݇ܠܹܗ ܕܟܹܐ ܦܵܐܸܫ ܡܘܼܦܠܸܚܵܐ ܩܵܐ ܟܠܵܝܗܝ ܐܸܬܝܹ̈ܐ ܚܵܝܹ̈ܐ ܐܵܘ ܠܵܐ ܚܵܝܹ̈ܐ ܓܵܘ ܕܐܵܗܵܐ ܟܝܵـܢܵܐ ܓܵܘܵܢܵܐܝܼܬ ܐܲܝܟܿ: ܐܲܬܪܵܐ، ܡܵܬܼܵܐ، ܒܪܵܬܵܐ، ܐܲܪܝܵܐ، ܡܲܕܪܲܫܬܵܐ ܘܫܲܪܟܵܐ.

ܒ. ܫܸܡܵܐ ܩܢܘܿܡܵܝܵܐ(ܕܝܼܠܵܢܵـܝܵܐ) ܗ̇ܘ ܫܸܡܵܐ ܝ݇ܠܹܗ ܕܟܹܐ ܦܵܐܸܫ ܡܘܼܦܠܸܚܵܐ ܠܡܲܕܘܼܥܹܐ ܐܲܚܟ̰ܝܼ ܚܲܕ݇ ܐܸܬܝܵܐ ܚܵܝܵܐ ܐܵܘ ܠܵܐ ܚܵܝܵܐ ܠܚܘܿܕܵܐܝܼܬ ܓܵܘ ܕܐܵܗܵܐ ܟܝܵـܢܵܐ ܐܲܝܟܿ: ܙܵܟܼܘܿ، ܝܲܘܣܸܦ، ܥܝܼܪܵܩ، ܦܪܵܬ، ܒܲܓܼܕܵܕ ܘܫܲܪܟܵܐ.

ܓ. ܫܸܡܵܐ ܟܢܘܼܫܝܵـܝܵܐ

ܫܸܡܵܐ ܟܢܘܼܫܝܵـܝܵܐ ܒܸܚܒܼܵܫܵܐ ܝ݇ܠܹܗ ܪܵܒܵܐ ܦܲܪ̈ܨܘܿܦܹܐ ܘܡܸܢܕܝܵـܢܹ̈ܐ ܐܵܦܸܢ ܕܗܵܘܹܐ ܒܨܘܼܪܬܹܗ ܚܕܵܢܵܝܵܐ ܐܲܝܟܿ: ܒܸܩܪܵܐ، ܥܲܡܵܐ، ܦܸܣܩܵܐ، ܓܲܝܣܵܐ، ܪܵܦܵܐ، ܐܘܼܡܬܵܐ ܘܫܲܪܟܵܐ.

ܕ. ܫܸܡܵܐ ܣܘܼܟܵـܠܵܝܵܐ

ܫܸܡܵܐ ܣܘܼܟܵـܠܵܝܵܐ ܟܹܐ ܦܵܐܸܫ ܝܕܸܥܝܵܐ ܒܚܕܵܐ ܕܝܼܠܵܝܬܵܐ ܕܠܲܝܬ ܠܵܗ̇ ܚܕܵܐ ܐܝܼܬܘܼܬܵܐ ܒܲܪܵܝܬܵܐ ܐܝܼܢܵܐ ܦܝܼܫـܬܵܐ ܝܠܵܗ̇ ܦܘܼܪܡܝܼܬܵܐ ܒܗܲܘܢܵܐ ܕܒܲܪܢܵܫܵܐ ܐܲܝܟܿ: ܡܲܟܝܼܟܼܘܼܬܵܐ، ܚܘܼܒܵܐ، ܟܲܪܒܵܐ، ܕܲܓܵܠܘܼܬܵܐ، ܙܲܕܝܩܘܼܬܼܵܐ، ܫܲܪܝܼܪܘܼܬܵܐ، ܗܲܝܡܵܢܘܼܬܼܵܐ ܘܫܲܪܟܵܐ.

ܗ. ܫܸܡܵܐ ܐܸܣܛܘܼܟܼܣܵـܝܵܐ ܐܵܘ ܓܫܝܼܡܵܐ

ܫܸܡܵܐ ܐܸܣܛܘܼܟܼܣܵـܝܵܐ ܒܸܚܒܼܵܫܵܐ ܝܠܹܗ ܐܸܣܛܘܼܟܼܣܹ̈ܐ ܦܪ̈ܝܼܫܹܐ ܓܵܘ ܕܐܵܗܵܐ ܟܝܵـܢܵܐ ܐܲܝܟܿ: ܕܲܗܒܼܵܐ، ܩܲܝܣܵܐ، ܣܹܐܡܵܐ، ܢܚܵܫܵܐ، ܡܝܼܵܐ، ܦܲܪܙܠܵܐ، ܟܸܠܫܵܐ ܘܫܲܪܟܵܐ.

ܘ. ܫܸܡܵܐ ܡܪܲܟܒ݂ܵܐ.

ܫܸܡܵܐ ܡܪܲܟܒ݂ܵܐ ܒܸܬܪܵܨܵܐ ܝܠܹܗ ܡ̣ܢ ܬܲܪܬܹܝܢ ܡܸܠܹ̈ܐ ܐܵܘ ܝܲܬܝܼܪ ܐܲܝܟܼ: ܦܵܪܚܵܬ݂ܠܲܝܠܹܐ، ܒܹܝܬ݂ܟܪ̈ܝܼܗܹܐ، ܒܹܝܬܐܲܪ̈ܟܹܐ، ܒܹܝܬܨܲܘܒܹ̈ܐ، ܒܪܵܬ݂ܐܝܼܕܵܐ ܒܪܵܬ݂ܨܸܒܥܵܐ، ܒܪܵܩܵܠܵܐ، ܒܹܝܬ݂ܢܝܼܣܵܢܹ̈ܐ، ܣܝܵܡܝܼܕܼܵܐ... ܘܫܪ.

ܛܘܦ̮ܣ̈ܐ ܥܠ ܫܡܐ

ܓܵܘ ܡܵـܬܼܵܐ ܟܹܐ ܚܲـܝܝܼ ܐܲܟܵـܪܹ̈ܐ ܘܓܵܘ ܡܕ̈ܝܼܢܵـܬܼܵܐ ܟܹܐ ܚܲـܝܝܼ ܦܵـܠܵܚܹ̈ܐ ܕܫܸܕܵܬܼܵܐ ܦܪ̈ܝܼܫܹܐ ܘܐܝܼܬܠܗܘܿܢ ܒܹܝܬ݂ܟܪ̈ܝܗܹܐ ܘܒܹܝܬ݂ܐܲܪ̈ܟܹܐ. ܒܲܪܢܵܫܵܐ ܐܝܼܬ ܠܹܗ ܚܘܼܒܵܐ ܩܵܐ ܐܲܬܼܪܵܐ ܕܝܼܠܝܼܕܵܐ ܝ݇ܠܹܗ ܓܵܘܹܗ. ܐ݇ܢܵܫܹ̈ܐ ܕܡܲܬܼܘܵܬܼܵܐ ܐܝܼܬ ܠܗܘܿܢ ܦܸܣܩܹ̈ܐ ܕܥܸܪ̈ܒܹܐ ܘܒܸܩܪ̈ܵܬܼܵܐ ܕܚܲܝ̈ܘܵܬܼܵܐ. ܒܘܿܫܵܝܘܼܬܵܐ ܕܒܲܬܼܘܵܬܼܵܐ ܐܝܼܬ ܠܗܘܿܢ ܩܵܛ̈ܘܵܬܼܵܐ ܘܟܲܠܒܹ̈ܐ. ܣܲܢܚܹܪܝܼܒܼ، ܫܲܡܝܼܪܵܡ، ܐܵܬܼܘܿܪ، ܕܸܢܚܵܐ ܝܼܢܵܐ ܚܲܕ݇ܟܡܵܐ ܡ̣ܢ ܫܸܡܵܢܹ̈ܐ ܕܦܝܼܫܹܐ ܝ݇ܢܵܐ ܡܘܼܦܠܸܚܹܐ ܡ̣ܢ ܒܢܲܝ̈ ܐܘܼܡܬܲܢ ܓܵܘ ܬܹܒܼܝܼܠ. ܩܲܝܣܹ̈ܐ، ܟܹܐܦܹ̈ܐ، ܟܸܠܫܵܐ ܘܫܡܸܢܬܵܐ ܝܼܢܵܐ ܡ̣ܢ ܐܸܣܛܘܿܟܼܣܹ̈ܐ ܡܘܼܦܠܸܚܹܐ ܓܵܘ ܒܢܵܝܬܵܐ ܕܒܵܬܼܘܵܬܼܵܐ ܓܵܘ ܡܲܬܼܘܵܬܼܵܐ. ܚܘܼܒܵܐ، ܫܲܪܝܼܪܘܼܬܼܵܐ ܘܗܲܝܡܵܢܘܼܬܼܵܐ ܝܼܢܵܐ ܡ̣ܢ ܕܝܼܠܵܝܵـܬܼܵܐ ܛܵܒܹ̈ܐ ܕܥܲܡܲܢ.

ܚܲܕ݇ܟܡܵܐ ܡ̣ܢ ܫܸܡܵܢܹ̈ܐ ܕܡܹܐܡܪܹ̈ܐ ܕܠܘܼܚܵܐ ܕܕܲܥܒܲܪ.