ܐܝܼܡܲܢ ܕܠܸܫܵܢܵܐ ܗܵܘܹܐ ܥܸܠܬܵܐ ܩܵܐ ܝܵܗܒܼ ܫܩܵܠܵܐ ܘܓܲܫܡܲܢܬܵܐ ܕܪܸ̈ܢܝܹܐ ܘܬܲܚܡܲܢܝܵܬܹ̈ܐ، ܡܲܥܒܼܘܿܕܹܐ ܝܠܹܗ ܕܠܵܐ ܪܥܵܫܬܲܢ ܕܒܵܪܝܼ ܘܢܵܒܼܥܝܼ ܚܲܕَܟܡܵܐ ܪ̈ܓܼܵܫܝܵܬܹܐ ܡܼܢ ܥܘܼܡܩܵܐ ܕܟܝܵܢܵܐ ܒܲܪܢܵܫܵܝܵܐ، ܒܨܸܒܼܝܵܢܹܗ ܪܫܝܼܡܵܐ ܘܚܲܕَܟܡܵܐ ܓܵܗܹ̈ܐ ܕܠܵܐ ܨܸܒܼܝܵܢܹܗ، ܒܗܿـܝ ܕܝܼܠܹܗ ܡܸܨܥܵܐ ܕܩܲܪܒܲܢܬܵܐ ܚܲܕَ ܠܗܿܘ ܐَܚܹܪَܢܵܐ ܒܟܠܲܝܗܝ ܡܲܫܸܩܠܹ̈ܐ ܕܚܲܝܹ̈ܐ ܡܼܢ ܙܥܘܿܪܘܼܬܵܐ ܘܗܲܠ ܪܵܒܘܼܬܵܐ.
ܒܘܼܬ ܐܵܗܵܐ ܣܢܝܼܩܬܵܐ ܝܠܵܗܿ ܐܲܡܝܼܢܵܐܝܼܬ ܕܗܵܘܲܚ ܐَܣܝܼܪܹ̈ܐ ܒܪܸܬܡܵܐ ܕܐܵܢܝܼ ܐܵܬܘܵܬܹ̈ܐ ܕܝܼܢܵܐ ܡܲܒܘܼܥܵܐ ܕܟܬܵܒܼܬܵܐ ܘܩܪܵܝܬܵܐ ܪܘܼܫܡܵܝܬܵܐ ܘܗܲܡܙܵܡܬܵܐ ܥܝܵܕܵܝܬܵܐ ܠܢܝܼܫܵܐ ܕܡܲܓܡܲܪܬܵܐ ܕܘܵܠ̈ܝܵܬܹܐ ܛܠܝܼܒܹ̈ܐ ܘܣܢܝܼܩܘܼ̈ܝܵܬܹܐ ܣܦܝܼܪܹ̈ܐ.
ܐܸܢ ܐܵܬܸܚ ܘܗܵܓܸܚ ܒܡܸܠܝܘܼܬܵܐ ܠܗܲܕܟܼܵܐ ܥܝܵܕܵܝܘܼܬܵܐ ܒܸܬ ܡܵܛܸܚ ܠܚܲܕَܟܡܵܐ ܢܘܼܩܙܹ̈ܐ ܕܝܼܢܵܐ ܥܘܼܠܘܼܠ ܡܼܢ ܡܸܕܵܪܟܵܢܘܼܬܵܐ ܘܬܲܚܡܲܢܬܵܐ ܕܥܠܲܝܡܘܼܬܵܐ ܘܐܵܢܝܼ ܦܲܪ̈ܨܘܿܦܹܐ ܕܝܼܢܵܐ ܗܸܕܝܘܿܛܹ̈ܐ ܝܲܢ ܫܚܝܼܡܹ̈ܐ ܕܠܹܐ ܦܵܪܫܝܼ ܐܵܠܲܦ ܡܼܢ ܒܹܝܬ ܘܡܼܢ ܬܵܘ ، ܘܙܸܕ ܡܼܢ ܗܵܕܵܐ ܐܵܢܝܼ ܕܟܹܐ ܚܲܫܒܼܝܼ ܠܓܵܢܲܝܗܝ ܕܝܼܢܵܐ ܝܠܝܼܦܹ̈ܐ ܘܐܵܦ ܙܹܐ ܡܲܠܦܵܢܹ̈ܐ، ܟܲܕ ܠܵܐ ܒܝܼܕܵܥܝܵܐ ܕܝܼܢܵܐ ܗܵܠܵܐ ܝܵܠܘܿܦܹ̈ܐ ܘܣܢܝܼܩܹ̈ܐ ܠܝܘܼܠܦܵܢܵܐ ܐܲܡܝܼܢܵܐܝܼܬ، ܒܗܿܝ ܕܝܼܠܹܗ ܒܕܘܼܡܝܵܐ ܕܥܘܼܡܩܵܐ ܕܝܵܡܵܬܹܐ. ܡܸܢَܕܪܹܫَ (ܡܸܕܪܹܐ) ܘܗܲܪ ܒܗܿܝ ܥܸܕܵܢܵܐ ܠܵܐ ܡܲܘܕܘܼܝܹܐ ܕܝܼܢܵܐ ܣܢܝܼܩܹ̈ܐ ܠܡܲܠܲܦܬܵܐ ܕܝܘܼܠܦܵܢܵܐ ܕܵܪܵܝܵܐ ܠܦܘܼܬܼ ܡܸܬܼܛܵܘܪ̈ܵܢܘܼܝܵܬܹܐ ܚܲܕَܬܹܐ.
ܫܒܼܘܿܩ ܡܼܢ ܗܿܝ ܒܸܬ ܐܵܬܸܢ ܘܐܵܡܪܸܢ: ܐܸܢ ܗܵܓܸܚ ܠܡ̈ܨܵܝܵܬܹܐ ܕܥܠܲܝܡܘܼܬܵܐ ܒܐܲܬܪ̈ܵܘܵܬܹܐ ܕܓܵܠܘܼܬܵܐ ܒܚܲܩܠܹ̈ܐ ܦܪ̈ܝܼܫܹܐ ܕܝܘܼܠܦܵܢܵܐ ܒܸܬ ܚܵܙܲܚܠܗَܘܿܢ ܕܝܼܢܵܐ ܥܘܼܠܘܼܠ ܡܼܢ ܡܸܢܕܝܼ ܕܟܹܐ ܚܲܫܒܼܵܚܠܹܗ، ܒܗܿܝ ܕܝܼܢܵܐ ܡܙܲܝܢܹ̈ܐ ܒܡܲܪܕܘܼܬܵܐ ܕܵܪܵܝܬܵܐ ܘܐܸܣܟܹܝܡܹ̈ܐ ܣܘܼܥܪ̈ܵܢܵܝܹܐ ܕܡܸܬܼܛܵܘܪܵܢܘܼܬܵܐ ܕܗܿܘ ܐܲܬܪܵܐ ܡܸܬܼܩܲܕܡܵܢܵܐ ܕܒܸܥܡܵܪܵܐ ܝܢܵܐ ܓܵܘܸܗ ܘܒܸܠܩܵܛܵܐ ܪܸ̈ܥܝܵܢܹܐ ܘܪ̈ܢܝܹܐ ܡܲܘܬܪ̈ܵܢܹܐ ܡܼܢ ܥܲܬܝܼܪܘܼܬܹܗ ܕܠܵܐ ܦܘܼܪܫܵܢܵܐ ܒܹܝܠ ܢܘܼܟܼܪܵܝܵܐ ܝܲܢ ܬܲܘܬܵܘܵܐ ܘܒܢܲܝ ܐܲܬܪܵܐ.
ܠܐܵܗܵܐ ܢܸܣܒܲܬ ܘܠܦܘܼܬܼ ܢܸܣܝܵܢܝܼ ܦܲܪܨܘܿܦܵܝܵܐ ܩܵܐ ܚܲܕَ ܡܸܬܚܵܐ ܝܲܪܝܼܟܼܐ ܕܙܲܒܼܢܵܐ ܒܚܲܩܠܵܐ ܕܡܲܠܲܦܬܵܐ ܘܚܵܦܘܿܛܘܼܝܵܬܝܼ ܐܲܡܝܼܢܵܝܹ̈ܐ ܒܩܢܵܝܬܵܐ ܕܝܘܼܠܦܵܢܵܐ ܚܲܕَܬܵܐ ܡܲܒܝܘܿܢܹܐ ܝܠܵܗܿ ܠܘܵܬܝܼ ( ܩܵܬܝܼ ܝܲܢ ܠܟܸܣܠܝܼ) ܒܨܝܼܪܘܼܬܵܐ ܩܸܢܛܪܘܿܢܵܝܬܵܐ ܒܡܲܚܦܲܠܬܵܐ ܕܝܵܠܘܿܦܹ̈ܐ. ܘܥܸܠܬܵܗܿ ܐܸܣܵܝܬܵܐ ܒܸܢܒܼܵܥܵܐ ܝܠܵܗܿ ܡܼܢ ܣܘܼܠܓܵܣܵܐ ܕܡܲܠܦܵܢܹ̈ܐ ܠܵܐ ܣܢܝܼܕܹ̈ܐ ܠܐܘܼܪ̈ܚܵܬܹܐ ܬܲܪ̈ܒܝܼܬܵܢܵܝܹܐ ܘܢܲܦ̮ܫܵܢܵܝܹ̈ܐ ܘܠܸܫܵܢܵܝܹ̈ܐ ܪ̈ܘܼܫܡܵܝܹܐ، ܐܲܝܟܼ ܕܐܸܢ ܟܠ ܚܲܕَ ܝܵܕܘܿܥܬܵܢܵܐ ܝܠܹܗ ܒܡܸܠܝܘܼܬܵܐ ܘܓܡܝܼܪܘܼܬܵܐ ܒܐܸܣܛܘܼܟܼܣܹ̈ܐ ܕܡܲܠܲܦܬܵܐ ܘܩܵܢܘܿܢܹ̈ܐ ܪ̈ܫܝܼܡܹܐ ܕܠܸܫܵܢܵܐ ܐܲܨܠܵܝܵܐ ܕܝܼܢܵܐ ܒܸܢܝܹ̈ܐ ܠܦܘܼܫܵܩܵܐ ܓܪܲܡܡܵܛܝܼܩܵܝܵܐ ܗ. ܕ. ܬܘܼܪܵܨ ܡܲܡܠܠܵܐ، ܟܲܕ ܠܵܐ ܡܲܘܕܘܼܝܹܐ ܕܟܠ ܚܲܕَ ܡܸܢܵܢ ܣܢܝܼܩܵܐ ܝܠܹܗ ܚܲܕَ ܠܗܿܘ ܐَܚܹܪَܢܵܐ ܠܢܝܼܫܵܐ ܕܡܲܓܡܲܪܬܵܐ ܕܘܵܠܝܼܬܵܐ ܡܩܘܼܕܲܫܬܵܐ ܕܡܸܫܬܲܐܠܵܢܘܼܬܲܢ ܒܡܲܚܙܵܝܬܵܐ ܕܐܵܘܝܘܼܬܵܐ ܘܣܢܲܕܬܵܐ ܘܡܥܲܕܪܵܢܘܼܬܵܐ، ܠܵܐ ܒܚܕܵܐ ܥܲܝܢܵܐ ܕܡܲܫܦܲܪܬܵܐ ܘܐܲܢܵܝܘܼܬܵܐ ܘܫܬܲܩܬܵܐ.
ܚܲܬܝܼܬܵܐ ܝܘܸܢ ܕܐܵܗܵܐ ܡܲܢܗܲܪܬܵܐ ܚܒܼܝܼܫܬܵܐ ܒܐܵܗܵܐ ܥܘܼܬܵܕܵܐ ܓܕܝܼܡܵܐ ܐܝܼܬܠܵܗܿ ܦܵܥܘܵܢܹ̈ܐ ܦܪ̈ܝܼܫܹܐ ܘܦܪ̈ܝܼܣܹܐ ܒܐܲܬܪ̈ܵܘܵܬܹܐ ܡܸܫܬܲܚܸܠܦܹ̈ܐ ܒܗܿܝ ܕܠܹܐ ܝܘܲܚ ܒܸܚܙܵܝܵܐ ܚܕܵܐ ܡܸܬܼܛܵܘܪܵܢܘܼܬܵܐ ܡܲܘܬܪܲܢܬܵܐ ܘܓܠܝܼܬܵܐ ܡܼܢ ܝܵܠܘܿܦܹ̈ܐ ܕܠܸܫܵܢܵܐ ܝܸܡܵܝܵܐ ܘܕܝܼܠܵܢܵܐܝܼܬ ܒܐܲܬܪ̈ܵܘܵܬܹܐ ܕܓܵܠܘܼܬܵܐ ܟܠܵܢܵܐܝܼܬ.
ܫܒܼܘܿܩ ܕܦܵܝܫܵܐ ܝܕܝܼܥܬܵܐ ܒܘܼܬ ܡܸܢܕܝܼ ܡܘܕܟܼܪܵܐ ܕܝܼܠܹܗ ܚܲܕَ ܣܲܗܡܵܐ ܙܥܘܿܪܵܐ ܡܼܢ ܥܸܠܵܬܹ̈ܐ ܠܵܐ ܡܬܲܚܡܹ̈ܐ ܐَܣܝܼܪܹ̈ܐ ܒܐܵܒܼܵܗܹ̈ܐ ܘܣܝܵܡܹ̈ܐ ܘܐܲܝܟܲܢܘܵܬܹ̈ܐ ܐَܚܹܪَ̈ܢܹܐ.
ܩܵܐ ܝܵܗܒܼܵܠܬܵܐ ܕܠܒܼܝܼܒܼܘܼܬܵܐ ܘܙܪܵܥܬܵܐ ܠܪܘܼܚܵܐ ܕܡܲܢܬܵܝܬܵܐ ܓܵܘ ܠܸܒܵܘܵܬܹ̈ܐ ܘܟܝܵܢܵܐ ܕܝܵܠܘܿܦܹ̈ܐ ܚܙܹܐܠܲܢ ܐܲܠܨܵܝܬܵܐ ܝܠܵܗܿ ܕܦܵܪܣܲܚ ܠܲܐܟܼܵܐ ܚܕܵܐ ܡܫܘܼܚܬܵܐ ܡܓܘܼܒܝܼܬܵܐ ܡܼܢ ܡܘܼ̈ܫܚܵܬܹܐ ܕܬܲܠܡܝܼܕܹ̈ܐ ܕܐܝܼܬܠܝܼ ܒܡܲܕܪܲܫܬܵܐ ܡܸܬܼܩܲܕܡܲܢܬܵܐ ܐܲܝܟܼ ܚܲܕَ ܛܘܼܦ̮ܣܵܐ ܡܲܢܬܝܵܢܵܐ. ܒܣܲܒܼܪܵܐ ܝܘܲܚ ܕܦܵܪܣܲܚ ܒܹܝܠ ܥܸܕܵܢܵܐ ܘܥܸܕܵܢܵܐ ܡܘܼ̈ܫܚܵܬܹܐ ܐَܚܹܪَ̈ܢܹܐ ܕܬܲܚܡܘܿܢܹܐ ܝܘܲܚ ܓ̃ܡܥܲܚܠܗَܘܿܢ ܓܵܘ ܚܲܕَ ܟܘܼܪܵܣܵܐ ܝܲܢ ܟܬܵܒܼܵܐ ܛܒܼܝܥܵܐ ܪܘܼܫܡܵܐܝܼܬ.
|
ܝܵܘܡܵܢܹ̈ܐ ܥܒܼܝܼܪܹ̈ܐ
ܒܝܲܕ: ܠܵܢܵܐ ܝܵܘܢܵܢ ܡܘܼܪܲܕ ܐ ܪܥܸܫܠܝܼ ܡܼܢ ܫܸܢܬܵـܐ ܘܩܸܡܠܝܼ ܓܘܼܫܸܩܠܝܼ ܒܗܿـܝ ܓܲܢܬܵܐ ܕܘܲܪ̈ܕܹܐ ܕܟܼܪܝܼ ܙܥܘܿܪܘܼܬܝܼ ܐܝܼܡܲܢ ܕܛܲܐܠܲܚ ܗَܘܵܘ ܡܼܢ ܚܘܼܒܵܐ ܡܸܠܝܹ̈ܐ ܠܲܐܟܼܵܐ ܬܘܼܚܡܸܢܝܼ ܘܐَܡܸܪܝܼ ܩܵܐ ܓܵܢܝܼ ܐܵܚ ܐܵܢܝَ ܝܵܘܡܵܢܹ̈ܐ ܒܘܼܬ ܐܵܗܵܐ ܒܐܵܡܪܲܢ ܣܢܝܼܩܬܵܐ ܝܠܵܗܿ ܐܸܕܝܘܿܡ ܕܗܵܘܲܚ ܟܫܝܼܪܹ̈ܐ |
|
