Tema modersmål - nordkurdiska

Li Swêdê wek gelek bajarên din li Goteborgê jî bi munasebeta 21 sibatê, Roja Navneteweyî ya zimanê nikmakî, semînar û konferans hatin lidarxistin. Şagird û mamosteyan çalakîyên pirrengî (wek muzîk, dans û hwd.) pêşkêş kirin. Ev çalakî dê hefteyekê berdewam bikin.

Şagird û mamosteyên kurd bi awayekî aktif beşdarî pîrozkirinê bûn

Ev sala duyem e ku Roja navneteweyî ya zimanê zikmakî bi awayekî giştî li bajarê (şarê) Goteborgê bi çalakîyên pirrengî tê pîrozkirin. Îsal jî wek sala borî şagird û mamosteyên kurd bi awayekî aktif beşdarî pîrozkirinê bûn.

Di civatên pirrengî de giringîya zimanê zikmakî

Hêjayî gotinêye ku pirtûka Anita Steiner ya bi navê  Jacob seglar till Kina (Jacob bi keştîyê çû Çînê) ji alîyê şagirdên kurd, ereb û sirb ve, bi wêne û pêşpirkeyan hate pêşkêş kirin. Nivîskara pirtûkê Anita Steiner axeftinek li ser pirtûka xwe kir. Wê di civatên pirrengî de, di zanist û têgihiştina yekûdu de giringîya zimanê zikmakî anî ziman. Û her weha şagirdan bi zimanê xwe helbest xwendin, kilam gotin û govend girtin.

Ji bo pîrozkirina vê rojê alaqeyek mezin

Rojnamevan û televizyona heremî, nûnerên Dayreya Giştî ya Pêşvebirina Xwendegehan ya Swêdê (Myndigheten för skolutveckligen), midûr û mamosteyên gelek dibistanên Göteborgê, dê û bav, mamosteyên zimanê zikmakî bi gelek şagirdên xwe ve di konferansê de amade bûn. Di vê rojê de, carek din, di civatên pirrengî de giringî û rola zimanê zikmakî hate bibîranîn.

Goteborg

Goteborg, ji warê mezinbûnê de, bajarê Swêdê yê duyem ye. Nifûsa Goteborgê 489 797 e. Hejmareke mezin ji kurdên li Swêdê li Göteborgê dijîn. Kurdên li Goteborgê bi awayekî aktiv beşdarî çalakîyên pirçandî û pirnetewî dibin.

Nivîs û wêne: Tehsîn Aslan, Goteborg/Swêd, 21/2 2007

Ji pîrozbahîyê çend wêneyên din: