Tema modersmål - nordkurdiska

Hejmara navgînên fêrbûnê ji bo zimamê zikmakî kêm e. Gelek cara mamostayên zimanê zikmakî bixwe materyalên xwe çêdikin yan jî ji welatê xwe tînin. Dewlet ji bo fînansekirina navgînên fêrbûnê yên ji bo zimanê zikmakî alîkariyeke biçûk dide. Skolverket biryarê dide ka wê kîjan berhemên xwendinê alîkariyê bigre. her weha pirtûkxane jî îmkaneke baş in. Karmendên pirtûkxaneyan ji bo dîtin yan sîparîşkirina materyalan alîkariya te dikin.

Skolverket çawa çavdêrî dike? Mirov dikare li ser karûbarên dibistanan pirsan ji Skolverketê bike yan giliyê xwe li ba wê bike? Herkes dikare pirs û giliyan bike?

Karûbarên dibistan û sexbêriya zarokan li Swêdê li gor çend qanûn û destûran tên bi rêve birin. em bi giştî navê "dokumentên birêvebir" li wan dikin. Qanûna dibistanê û planên xwendinê ji bo hemû şiklên dibistanan in. Her weha "planên dem" û "planên kursan" jî hene. Giş bi hev re bi navê "dokumentên birêvebir yên netewî" tên bi nav kirin.

Dokumentên birêvebir çarçaweyê diyar dikin, lê di warê planên xebatê yên herêmî, planên dibistanan û planên kar de azadiya belediyeyan qasî ku mumkin e, berfireh e.

Li gor plana xwendinê ya pêşdibistanê divê zarokên ku zimanê wan ê zikmakî ne swêdî ye, xwedî îmkanên pêşxistina zimanê xwe jî bin. Antrenorekî/e zimanê zikmakî her hefte carekê zarokan dibîne. Ew ji heman herêma kulturî ya zarokan e. Mirov dilîze, distirê, resman çêdike, dibire, dizeliqîne û bi zimanê zikmakî ê zarokan çîrokan dixwîne. Antrenor her weha dikarin ji bo grupa zarokan hemûyê serkariya lîstik û stranan bikin û bi vî awayî kltureke din bidin nasîn û heman dem nasnameya zarokan qewîn bikin. Li gor lêkolînan eger zarok hîn berî dibistanê zimanê zikmakî bi kar bînin, di dibistanê de biserketîtir in. Ev yek di navbera zimanê pêşdibistan û zimanê malê de dibe pirek.