Tema modersmål - nordkurdiska

Mudûra Navenda Duzimanî ya Şaredarîya Vesterosê (Cf2-Centrum för tvåspråkighet) Karîn Brobäck (Brûbek) dest bi karê xwe kir. Ew di şûna mudûrê berê Joachîm Gotz de hat tayinkirin. Joachîm Gotz li Stockholmê bû şefê Dayreya perwerdeya zimanê zikmakî (Språkcentrum). Karîn Brobäck di heman demê de, li ser navê şaredarîyê bû xwedîya malpera me.

Hevalê me yê sohbetgerm, afirîner, xwedî vîzyon û berhemên mayinde Nedîm Dagdevîren, bi awayekî bi lezûbez li nav me koç kir. Em ê sibe ji hev xatir bixwazin û wî ber bi Amedê ve bi rê bikin. Di vê nameyê de ez dixwazim dakevim salên 70î û beşeka biçûk ji keda Nedîm ya ji bo “dunyayeka xweş” çend têbinîyan binivîsim.

 

Keça kurd Silîva Aydin a 8 salî, li gel grûba xwe, xelatek wergirt. Xelat ji alî qralê Swêdê hat dayîn.

Di 5ê gulanê de li seranserî Swêdê ji bo 100salîya Şopgerên (Scout) Swêdê Roja Şopgeran hat pîrozkirin. Keça kurd Silîva Aydin a 8 salî, li gel grûba xwe, bû yekem. Bi munasebeta vê musabeqeyê min hevpeyivîneke telefonî bi Silîva Aydin re çêkir. Bi rastî li ber vê kurdîya wê ya paqij û xweş kêfa merivan tê. Em hêvîdar in ku zarokên weha yên kurd pirtir bin.

 

Şaredarê Şaredarîya Sûra Amedê Abdulla Demîrbaş ji aliyê Dadgeha Rêvebirî ya Tirkîyê ve ji şaredarîyê hat bi dûrxistin û meclîsa şaredarîyê jî hat betalkirin. Sedemê vê biryara sosret hewildanên Abdulla Demîrbaş yên ji bo şaredarîyek pirzimanî tê nîşandan. Ev doz li ser daxwaza Wezareta hundur ya Tirkîyê hatibû vekirin. (Wêne: Abdulla Demîrbaş bi wezîrê dibistanan yê Swêdê Îbrahîm Baylan re-2004).