Abdulla Demîrbaş li Swêdê li bajarê Vesterosê (Västerås) bi şagirdên kurdî yên lîseyê re (20-01-2005)
Abdulla Demîrbaş ji wan şaredaran e ku alaya kurdî bilind dikir . Wî û şaredarîya wî, bi îmkanên xwe yên gelek bi sînor heta niha ji bo xizmetên giranbiha pêk anîn.
Abdulla Demîrbaş bi du rojnamevanên kurd/swêdî Şîlan Diljen ji SR (Radyoya Swêdê) û Jiyan Zandî ji SVT (Televizyona Swêdê), hezîran 2007
Ew heta niha gelek caran hatîye Swêdê. Sê sal berê dema ku hatibû Swêdê wezîrê dibistanan Îbrahîm Baylan û grûbek şagirdên dersa kurdî jî ziyaret kiribûn. Li ser ezimandina wî, ji Swêdê jî çend caran şagird û mamoste çûbûn mêvanên şaredarîya wî. Cara dawî di navbera 10-16ê gulana îsal de grûbek şagird û mamoste ji Swêdê çûbûn Amedê û beşdarî festîvala navneteweyî ya şaredarîya Sûrê bûbûn. Abdulla Demîrbaş ew bi germî pêşwazî kiribûn û pirtûkên kurdî wek dîyarî dabûn wan.
Şagird û mamosteyên ji Swêdê bi Abdulla Demîrbaş re (12ê gulanê 2007)
Abdulla Demîrbaş anketek dabû çêkirin. Li gor wê anketê ji %72 nîştecihên şaredarîya wî bi kurdî diaxifin. Meclîsa şaredarîyê jî li gor vê rastîyê biryara şaredarîya pir zimanî dabû û xizmetên şaredarîyê bi kurdî jî dimeşandin. Dadgeha tirk ev yek li dijî ewlekarîya tirkîyê nirxand û Abdulla Demîrbaş ji wezîfê girt.
Gelek parlamenterên Parlamentoya Ewropayê, çend parlamenterên Swêdî jî tê de, piştgirîya xwe ji bo Abdulla Demîrbaş dîyar kiribûn.
Ji arşîva me şend nivîsên din yên li ser çalakiyên Şaredarîya Surê û Abdulla Demîrbaş:
Şaredarên Amedê bi wezîrê dibistanan yê Swêdê re hevdîtin pêk anî
Şaredarên Amedê li Swêdê şagirdên kurd zîyaret kirin.
Rojnamevanên kurd yên Swêdê bi şaredaran re hevdîtin pêk anîn
Pêncemîn Mîhrîcana Zarokan ya Şaredarîya Sûra Amedê bi dawî hat
