Tema modersmål - tagalog

Maligayang Pasko at Manigong Bagong Taon

O MAGSAYA
(Himig: Joy to the World)

O magsaya at magdiwang
Pagkat sumilang na
Ang hari ng lahat,
Ang hari ng lahat
Kaya`t ating buksan,
Kaya`t ating buksan
Ang pinto ng ating pagmamahal

Talikdan na at linisin
Ang buhay na liko,
Sa Sanggol sa Belen,
Sa Sanggol sa Belen
Malinis na puso,
Malinis na puso
Ang ating ---Ang ating ihahain.

TALANG PATNUBAY
(Himig: Silent Night)

Natanaw na sa silangan
Ang talang patnubay
Nang gabing katahimikan
Ang Sanggol sa lupa`y isilang
Ng Birheng matimtiman,
Sa hamak na sabsaban.

H-m-m-m! H-m-m-m!
H-m-m-m! H-m-m-m!
Tulog na, Oh Sanggol na hirang ,
Hilig na sa sutlang kandungan
Ng Birheng matimtiman,
Ikaw ay a-a-witan.

KLING! KLING1 KLING1

Kling! Kling! Kling!
Kling! Kling! Kling!
Anong tuwa`t saya
Oh,kayo`y tumugtog na
Kami ay kakanta! (Hey)

Heto na, Heto na,
Ang paskong masaya
Nalalanghap ko na
Ang suma`t kasilba.

Mayroong sumasayaw,
Mayroong lumulukso,
Oh, mano po ninong, ninang
Kami`y namamasko.

(Ulitin ang unang saknong ng walang Hey)

 

 

 

SANTA LUCIA - ANG REYNA NG LIWANAGAng ika-13 ng Disyembre ay araw ng Lucia. Isang tradisyon na ipinagdiriwang dito sa Sweden. Maagang-maaga ay dumarating si Lucia kasama ang kanyang mga abay. Sila ay nakadamit ng puting-puti at may hawak na kandila. Si Lucia ay may ilaw na kandila sa ulo. Kumakanta sila ng kantang pang Lucia at kantang pamasko. Sa araw na ito ay kumakain ng "pepparkaka at lussekatter", tinapay na may "safran" at pasas.
Ipinagdiriwang sa iba't ibang lugar, sa paaralan, sa hospital sa pabrika at sa bahay. Ang mga bata ay nakadamit ng Lucia, damitpang-abay(tärnor), lalaking bituin (stjärngossar),Santa klaus at lalaking "Pepparkaka". Sa simbahang katoliko ay ipinagdiriwang din sa araw na ito si Santa Lucia.

Apat na linggo bago dumating ang pasko ay tinatawag na "advent". Ang ibig sabihin ng "advent" ay may darating. Hinihintay ng mga tao ang pagdating ni Hesukristo na siyang ipinagdiriwang natin tuwing pasko. Ang unang linggo ay nagsisindi ng isang kandila, pangalawang linggo ay dalawang kandila ang sinisindihan, pangatlong linggo ay tatlong kandila at pang-apat na linggo ay sinisindihang lahat ang apat na kandila. Ang mga tao ay nagpupunta sa simbahan para makinig ng misa at magagandang musika.

Ang parol na isinasabit sa bintana ay nagmula sa Alemanya. Dumating dito sa Sweden noong taong 1930. Ang unang "advent" ay simula na ng pasko. Maraming bata ang may kalendaryong pamasko (julkalender) na binubuksan nila araw-araw hanggang dumating ang ika-24 ng Disyembre. Ang unang kalendaryong pamasko ay nagsimula dito sa Sweden noong taong 1934.

 

 

  Nagsisimula na ang paghahanda ng pasko. Marami na ang namimili ng mga pang-aginaldo. Naghuhurno, naglilinis, nagkakabit ng mga ilaw dagitab at binibihisan na ang mga krismas tri.    

 

 

Ginugunita ang kaarawan ng bayaning si Andres Bonifacio tuwing ika 30 ng Nobyembre. Ang araw na ito ay bakasyon, walang pasok sa paaralan at sa trabaho. . Napagkakamalang din Araw ng mga Bayani ang araw na ito. Ipinagdiriwang sa  kapanganakan ni Andres Bonifacio, sa makasaysayang dahilan, hindi katulad ng mga iba pang bayani tulad ni Jose Rizal na inaalaala sa araw ng kanilang kamatayan na namatay sa kamay ng mga kaaway/kadigma. Si Andres Bonifacio ay binitay ng kanyang kasamahan/kababayan. Si Emilio Aguinaldo ang nag-utos sa kanyang pagbitay, sa dahilang siya ay kaaway ng bayan pagkatapos ng Konbensiyon ng Tejeros.

 

[Republic Act No. 3827 na ipinaganap ng Philippine Commonwealth legislature noong ika- 28 ng Oktubre, 1931, idineklara na ang huling linggo ng Agosto ay magiging Araw ng mga Bayani.

Ayon naman sa Proklamasyon Bilang 1699 na pinalabas ng dating Presidente Gloria Macapagal- Arroyo,  ang Araw ng mga Bayani ay ika- 30 ng Agosto at pag pumatak sa araw ng Linggo, ang susunod na araw ang magiging bakasyon.

 

 

Historya
Ang samahan ng mga bansa (League of Nations) ay nabigong pigilin ang Ikalawang Pandaigdigang digmaan. (1939-1945) Dahil sa lumalaganap na katotohanang hindi na makaya ng sangkatauhan na magkaroon ng ikatlong Pandaigdigang Digmaan, itinatag ang Nagkakaisang Bansa (United Nation) para palitan ang may lamat na Samahan ng mga Bansa noong 1945.

SKOKLOSTER

Ang kastilyo ng Skokloster ay matatagpuan sa lungos (peninsula) sa bayan ng Håbo sa pagitan ng Stockholm at Uppsala.

 

 

Maikling Historia

Itinuturing ngayon na isa sa mga pangunahing museong baroque. Itinayo sa panahon ng 1654-1676 ni greve at punong heneral na si Carl Gustav Wrangel noong panahon na ang Sweden ay makapangyarihan. Noong 1676 namatay si Carl gustaf Wrangel. Ang pamilya ng Brahe at von Essen ang sumunod na nag may-ari sa kastilyo. Ipinagbili ang kastilyo sa Estado ng Suweko noong 1967 kasama na rito ang mahigit kumulang na50 000 bagay na nilalaman ng bahay..Magmula noon ang kastilyo ay naging pambansang museo. Noong namatay si Carl Gustaf Wrangel humintong magtrabaho ang mga anluwage at ladrilyero at inwang hindi tapos ang silid ng pigingan. Ang mga kasangkapan ginamit ay naroroon pa rin hanggang ngayon. Ang taguan ng mga armas ay ay hindi nagalaw, puno ng iba`t ibang makabagong sandata noong unang panahon na nagmula sa ibat ibang bansa. Ang mga sandata, aklat at iba pang mga naipon sa mga nagdaan taon ay nagmula noong 1550 hanggang 1850.